Аўтар і кніга адзначаюць юбілей
120 гадоў з дня нараджэння Кузьмы Чорнага і
80 гадоў з часу напісання аповесці “Насцечка”
Кузьма Чорны, сапраўднае імя Мікалай Карлавіч Раманоўскі (11 (24) чэрвеня 1900 — 22 лістапада 1944). <еларускі празаік, драматург, публіцыст.
Нарадзіўся ў сялянскай сям’і. Скончыў Цімкавіцкае народнае вучылішча, у 1916 годзе паступіў у Нясвіжскую настаўніцкую семінарыю.
Першыя артыкулы і вершы апублікаваў у 1920 годзе. У 1923 годзе паступіў на літаратурнае аддзяленне педагагічнага факультэта БДУ, дзе правучыўся два курсы.
З 1923 года член літаб’яднання «Маладняк». Яшчэ студэнтам у 1924 пачаў працаваць у газеце «Беларуская вёска».
У 1925 выйшлі першыя кнігі — «Апавяданні» і «Срэбра жыцця».
У 1926—1931 быў старшынёй літаб’яднання «Узвышша».
У 1932—1937 — галоўны літкансультант кабінета маладога аўтара пры СП БССР. Член СП Беларусі з 1934 года.
Арыштаваны 14.10.1938 года. Прасядзеў у Мінскай турме 8 месяцаў, з іх 6 — у камеры-адзіночцы. Быў катаваны. Вызвалены 08.06.1939 года.
АПОВЕСЦЬ КУЗЬМЫ ЧОРНАГА «НАСЦЕЧКА»
Аповесць, напісаная ў 1940 годзе не страціла сваю актуальнасць і сёння, таму што ў творы закранаюцца ўсе тыя праблемы, якія хвалююць нас штодня: узаемаадносін бацькоў і дзяцей, школьнага жыцця і інш.
Аповесць вучыць сябраваць. Сяброўства — гэта асаблівыя ўзаемаадносіны паміж людзьмі, заснаваныя на ўзаемным даверы, узаемадапамозе. Так афіцыйна можна пазначыць тое, што многія з нас не адрозніваюць ад роднасных адносін. Больш за тое, сапраўдны сябар, часцяком, бліжэй іншага сваяка, але сапраўдных сяброў у чалавека не зусім няшмат. Сяброўства трэба шанаваць і берагчы, не забываць быць уважлівым да сябра. У жыцці няма нічога страшней адзіноты. Дружба дазваляе нам пазбегнуць яе, асабліва, калі ў жыцці далёка не ўсё складваецца так, як мы гэтага хацелі. Акрамя таго, сяброўства — гэта узаемадапамога, і калі наступіць цяжкая хвіліна першым на дапамогу прыйдзе менавіта сапраўдны сябар. Сяброўства — гэта магчымасць падзяліць з блізкім чалавекам хвіліны радасці і смутку.
Цытаты з кнігі:
“І вам, дзяўчаткі, дзякую за дружбу з Насцечкай. Дружба — вялікая справа. Без дружбы чалавеку цяжка жыць, чуеце, дзяўчаткі? Дружба робіць вялікія справы. І ў няшчасці і ў радасці без дружбы чалавеку нельга быць. Шануйце, дзеці, дружбу, гэта самае дарагое і важнае, што ёсць у чалавека. Вырастайце вялікія і аберагайце праз усё жыццё дружбу. І ведайце — асабліва моцная бывае тая дружба, што ўстанаўліваецца ў маленстве і ў маладыя гады.”
“Паважае сябе толькі той, хто паважае іншых”