22-23 ліпеня на Навагрудчыне на беразе возера Літоўка адбыўся чацвёрты рэгіянальны фестываль – конкурс бардаўскай песні памяці Уладзіміра Высоцкага “Музыка сардэц”.
Аддзел па абслугоўванні дзіцячага чытача Навагрудскай раённай бібліятэкі таксама прыняў удзел у святочных мерапрыемствах. Кніжная выстава “Краіна казк” выклікала вялікі інтарэс вялікіх і маленькіх удзельнікаў свята.
20 ліпеня ў гарадскую дзіцячую бібліятэку пад гукі песні “Усмешка” з мультфільма “Крошка Янот” завіталі Смех і Усмешка. Такую назву мела гумарына. Усім дзецям было прапанавана гаварыць адзін аднаму па ланцужку кампліменты і абавязкова з усмешкай. Асабліва вясёлыя маглі корчыць рожыцы. А потым адбыліся конкурс на лепшага знатака прыказак і прымавак пра смех і размова пра любімыя вясёлыя кніжкі, якія былі прадстаўлены на кніжнай выставе.
У аддзеле па абслугоўванні дзіцячага чытача Навагрудскай раённай бібліятэкі адбылося літаратурнае лато «Энцыклапедыя вітамінаў». З дзецьмі была праведзена гутарка аб правільным харчаванні і карысці вітамінаў, аб іх значэнні ў жыцці чалавека, аб ўзаемасувязі здароўя і харчавання. Мерапрыемства суправаджалася прэзентацыяй «Вітамінавая краіна». Дзеці актыўна ўдзельнічалі ў гутарцы, поўна адказвалі на пытанні, адгадалі ўсе «Загадкі ад Вітамінка».
У апошнія гады добрай традыцыяй у гарадской дзіцячай бібліятэцы стала наведванне бібліятэкі ўсей сям’ёй. Таты і матулі, дзядулі і бабулі, нават дядзькі і цёткі маленькіх чытачоў прыходзяць у бібліятэку разам, каб атрымаць патрэбную кніжку. Паміж дарослымі і бібліятэкарамі часта ўзнікаюць размовы аб карысці чытання, неабходнасці сумесных намаганняў па далучэнню дзіцяці да кнігі.
Чытальная зала гарадской дзіцячай бібліятэкі падчас летніх канікул ніколі не пустуе. Мерапрыемствы на любы густ, настольныя гульні, рамонт кніг, чытанне часопісаў і газет, разгадванне крыжаванак, прагляд мультфільмаў – усё гэта запатрабавана на працягу дня. Сумаваць тут ніколі не прыходзіцца.
Пазнавальная гадзіна “Я – маленькій прафесар” была праведзена па кнігах серыі “Маленькі прафесар”, які выпускае выдавецтва “Беларуская энцыклапедыя”. Дзеці пазнаёміліся ў займальнай і развіваюўчай форме з светам Беларускай прыроды, славутасцямі беларускіх гарадоў і вёсак, знакамітымі дзеячамі і многім іншым.Цяпер яны змогуць бліснуць эрудыцыяй у коле сваіх сяброў і знаёмых як маленькія прафесары.
