26 снежня аддзел па абслугоўванні дзіцячага чытача вітаў рабят з прышкольнага лагера “Вытокі” СШ №4 г. Навагрудка. Прагляд лялечнага спектакля “Марозка” падарыў хлопчыкам і дзяўчынкам яркія эмоцыі і добры настрой. Далей іх чакала казачна-гульнёвая праграма “Новы год і казачныя цуды!”. Каб знайсці сімвал наступаючага года дзецям патрэбна было адправіцца на востраў Цмокаў. Кожны жыхар вострава – цмокі: Герман, Гарыныч, Сласцёна, Бяззубік запрасілі дзяцей на вясёлыя гульні, конкурсы. А цмок Дзіна падрыхтаваў мелодыі навагодніх песень і прапанаваў конкурс “Спяём усе разам!”.
