Звіні мая светлая, родная мова!
«Родная мова, матчына мова » — так шаноўна і ласкава называем мы сваю мову. 21 лютага свае веды па беларускай мове паспрабавалі вучні 4-га і 7-га класаў СШ №3, наведаўшы аддзел па абслугоўванні дзіцячага чытача. Ім было прапанавана паўдзельнічаць у турніры знаўцаў “Звіні мая светлая, родная мова”, прымеркаваным да Міжнароднага дня роднай мовы. Падзяліўшыся на дзве каманды яны спаборнічалі ў конкурсах: “Перакладчыкі”, “Назаві адным словам”, “Слоўнікавае лато”, “Хто такі, ці што такое”, “Загадкі з скрыначкі”. Хлопчыкі і дзяўчынкі паказалі добрыя веды і павагу да роднай мовы.
Мерапрыемства закончылася радкамі з твора “10 запаведзяў” Віктара Шведа:
Мову родную беражы.
Мовай роднаю даражы.
Мову родную шануй.
Мовай роднай не гандлюй.
Мову родную любі.
Мовы роднай не кідай.
Мову дзецям перадай.
Мовы не аддай на здзек.
Толькі з ёю жыцця век.
Кніжная выстава “Беларуская кніга для вас” пазнаёміла дзяцей з беларускімі кнігамі-юбілярамі 2023 года, а таксама навінкамі беларускай літаратуры.
