ЛЕТНІ КАЛЕЙДАСКОП
Кожнае лета бібліятэка імкнецца зрабіць незвычайным і незабыўным для сваіх юных чытачоў.
13 чэрвеня гульнёвую праграму “Летні калейдаскоп” наведалі хлопчыкі і дзяўчынкі, якія адпачываюць у прышкольным лагеры “Нашчадкі традыцый”, які арганізаваны пры СШ№3 г. Навагрудка. Пачалося мерапрыемства з верша “Лета – дзіўная пара”. Далей дзеці з задавальненнем удзельнічалі ў казачных віктарынах, разгадванні загадак і забаўляльных гульнях..
Асаблівы інтарэс у гасцей быў выкліканы гульнёй у ЛіТэатры “Церамок”, пасля прагляду лялечнага спектакля “Як дзяўчынка Маша лета шукала”. Іх так захапілі персанажы, што дзеці самі прыдумалі казку.
Хутка, весела, з запалам прайшоў час, дзеці атрымалі шмат станоўчых эмоцый, добры настрой і запрашэнне абавязкова наведваць бібліятэку ў час канікулаў!
